Opmerkingen

1311 Maart 12. WI Jan van Risewijc, riddre, Aert van Uutwijc, Henric van Emmekoven, Diederic de Borchgrave, Ghisebrecht van den Zande encle Diederic van Anle, cnapen, orconden, dat wi daerover waren, gheroepen van rechtsweghen alse te kennen alse man ons lieves heren, heren Gheraerds, here van Horne, van Althena ende van Perweis, dat Vastraet, heren Aernoudssone van Ghiesene, quam met sinen moetwille ende machtech sijne sinne, encle droech op onsen here van Horne vorseit die gherichten van Ghiesene ende van Anle, alsoe groet encle alsoe cleine alse Vasteraet vorseit of sine oudere hadden encle hilden van onsen here van Horne voerghenoemt of van sinen ouderen, encle verteech daerop encle dede daeraf allet therecht, dat wi ende anders ons heren man vorseit wijssden dat hi sculdech was te doene. Ende omme de meerre sekerheit cnde vestenisse van al desen vorscrevenen worden ende navolghende in desen jeghenwordeghen brief, soe hebbe wi ghebeden Vastraede van Ghiesene verseit, dat hi desen brief mede besegele met sinen segele in beghieden woerden. Ende ic Vastraet heren Aernoudssone van Ghiesene voerseit beghie encle lye alle deser voerscrevenre voerwaerden encle navolghende in desen brief, dat die waer sijn encle ic noch mine nacomelinghe minen here van Horne vorseit noch sinen nacomelinghen daeraf nummermeer niet eisschen en selen noch en moghen met enghenen witteleken rechte. In orconscape ende in vestenissen alle deser voerghenoemder vorwaerden, sae hebbe wi, die hiervore staen bescreven, desen jeghenwordeghen brief open besegelt met onsen segelen; die waert encle ghegheven int jaer ons Heren, daer men screef dusent driehondert encle elleve, in sente Gregorysdaghe. Met de uithangende zegels van Jan van Rijswijk, Aart van Uitwijk, Hendrik van Emmichoven en Diederik de Borchgrave in bruine was, alsmede die van Gisbrecht van den Zande, Diederik van Andel en Vastraad van Giessen in groene was. Oorspr. - Archief Altena, no. 80. Regest: Muller, Regesta Hannonensia, blz. 45.