Opmerkingen

Schepenakte - Mergriet Hubrechts dochter wilen was uten Vehuze met horen momber heeft erflic vercoft etc. Herman Jan Eycmans soen twe huze metten hove metten hofstat met al hore toebehoirte tot Helmont in die vestrate e.z. aen die biezenstrate a.z. erfnis Henric sVisschers van Os dat Loynens plach te wesen e.e. voir aen die vestrate a.e. erfnis Henric Scheeres ende also voert streckende metten steit (?) van den hove op die Aa ende een stuxken hoefs dat Hr. Arts sMolners is dat dair af gespleten is - ende Mergriet voirtijts gecocht ende vercregen hadde tegen Jan Lemmen Tielens soens soen van Bakel als man van Yden Jans Tymmermans soen was van Zonne sijn wijfs ende gelyc Jan Lemmen Tielens soen voirs. die een helfte tegen wilen Godert wilen Jans Tymmermans soen was van Zonne sijns wijfs brueder gecocht etc. ende die ander helft van der selven erfnis wilen Jan Tymmermans van Zonne .... Yden sijne dochter voirs. als hi seide hem in huweliker vurwerden gegeven hadde, welc alinge erfnis Jan Tymmermans van Zonne voirtijts tegen Hr. Willem van Doerne Ghevart Lucen soens soen was priester tegen Lijsbeth ende Katlijn sijn zusteren vercregen hadde tot enen erfliken pacht voir twe mudde roggen erfpachts hen dair uyt te gelden ende voir des heren tijns van den gronde, gelyc scepen litteren van Helmont ende anderen vurwerden van instrumenten daer op gemaect volkomeliken inhauden ende begrypen W. Eyndhouts - schepen Jan Wautger van Gassel - schepen 22 november 1419, 1414/1420